Elton Marini nuk është më drejtori sportiv i Partizanit. Burime të besueshme pranë klubit të kuq bëjnë me dije për Newsport.al që e shtuna ka qenë dita e fundit e punës për vlonjatin. Edhe pse sezoni futbollistik u kurorëzua me titullin kampion, diskutimi për trofeun deri në fund, nuk ka lënë shije të mirë të drejtuesit.
Në këto kushte, palët kanë diskutuar dhe në fund kanë zgjedhur të mbyllin këtu bashkëpunimin. Një lajm i papritur në klubin e kuq që vjen në momentin më të mirë për skuadrën.
Tashmë pritet të shihet se kush do të jetë zëvendësuesi i tij, ku emrat që qarkullojnë janë të shumtë. Interesi është i madh për të mësuar dhe për Giovanni Colellën, trajnerin që solli pikërisht Elton Marini.
Me gjasë drejtori i ri sportiv do të jetë vendas. Zhvillime të reja priten në vazhdim nga klubi i Partizanit, disa ditë para nisjes zyrtare të përgatitjeve për Europën. /Newsport.al/.
Lexo gjithashtu
