Ditën e enjte do të luhen edhe ndeshjet e fundit të Kategorisë së Dytë. Elbasani që ndodhet në grupin B do të presë në shtëpi Tepelën, me sfidën që starton në orën 15:00. Kjo ditë do të jetë një festë e vërtetë.
Elbasanasit pas dy vite nga krijimi i tyre kanë mundur të sigurojnë ngjitjen në Kategorinë e Parë për sezonin e ardhshëm dhe kjo pa diskutim është një arritje për lojtarët dhe stafin e skuadrës. Si kampionë të grupit B do të luajnë ndaj Tepelenës në “Elbaan Arena”.
Për këtë sfidë sipas shtypit të shkruar hyrja do të jetë falas, ndërsa kanë nisur edhe organizimet, ku një orë para sfidës do të ketë një koncert me këngë e valle. Mes shumë të ftuarve do të ketë figura të njohura të sportit, ndërsa artistët që do të përformojnë nuk janë bërë ende të ditur.
Në fund të kësaj sfide do të bëhet edhe dorëzzimi zyrtar i trofeut modest të kampiones së grupit B, teksa Elbasani do të duelojë për titullin e Kategorisë së Dytë ndaj Vorës, me këtë të fundit që është kampione e grupit të saj që ka siguruar gjithashtu ngjitjen në Kategorinë e Parë.
Lexo gjithashtu
