Merkato e korçarëve këtë vit është shumë potenciale, pasi kanë afruar emra trë futbollit shqiptar dhe jo vetëm. Po bëjnë “goditje” në çdo repart, ndërsa po forcojnë grupin në prag të ndeshjes ndaj Ferencvarosh për ndeshjen e raundit të dytë të Champions League. Korçarët një vit më parë luajtën në grupet e Europa League, por këtë vit ambiciet janë që të luajnë në grupet e Champions-it.
Pasi kanë afruar lojtarë si: Shend Kelmendi, Hektor Idrizaj, Enis Gavazaj, Masato Fukui dhe Argjend Malajn, korçarët kanë planifikuar dhe e kanë në resortin e tyre në Durrës lojtarin e radhës. Bëhet fjalë për nigerianin Joseph Femi Olatubosum. I lindur më 21 dhjetor 1990 në Nigeri, ndërsa ka luajtur për Agia Napa në Qipro sezonin e fundit. Është aktivizuar në 9 ndeshje dhe ka shënuar 1 gol.
https://www.youtube.com/watch?v=q2y7RQFAn4g
Klubi korçar ende nuk ka bërë publik afrimin e tij, pasi ende nuk ka firmosur kontratën me bardhekuqtë. Pritet ardhja e kampionëve nga Tiroli i Austrisë, ku po zhvillojnë fazën përgatitore dhe më pas do të vijë firma në kontratë. 25-vjeçari nigerian që është aktivizuar në Qipro dhe në Angola me skuadrën Caala po stërvitet ditët e fundit nga menaxheri i korçarëve Marcello Troisi në rezidencën e Skënderbeut në Durrës.
Lexo gjithashtu
