Realf Zhivanaj është larguar sot nga skuadra e Tiranës. Qendërmbrojtësi i njohur ka zgjedhur t’i japë fund aventurës në kryeqytet për shkak të mungesës së hapësirave në formacionin titullar.
Burime të besueshme tregojnë se sot ai ka pasur një takim me drejtuesit ku ka marrë edhe lejekalimin nga kampionët e Shqipërisë. Dëshira për të luajtur ka sjellë në derën e tropojanit dy oferta tunduese.
Bëhet fjalë për Dinamon dhe Teutën, që duan shërbimet e tij. Aktualisht nuk ka asgjë konkrete me lojtarin që ende nuk ka vendosur për të ardhmen e vet.
Projekti serioz i dinamovitëve mund të jetë një opsion i vlefshëm, megjithatë dëshira për të luajtur në elitë, nga ana tjetër e tundon. Pritet me interes të shihet se ku do të jetë e ardhmja e Zhivanajt që me Tiranën arriti të fitonte sezonin e shkuar titullin kampion.
Lexo gjithashtu
