Erzeni fitoi përballë Partizanit të dielën në “Air Albania” me rezultatin 2-1. Një fitore mjaft e rëndësishme për shijakasit, jo vetëm për 3 pikët, por një triumf ndaj kampionëve në fuqi rrit dhe moralin e ekipit në vazhdimësi.
Padyshim një nga protagonistët e asaj sfide ishte Redon Mihana, i cili shënoi golin e parë për të tijët. Sulmuesi i Erzenit në një prononcim ekskluziv të dhënë për “Newsport.al”, shprehet shumë i lumtur për fitoren ndaj Partizanit dhe përsa i përket merkatos së janarit ai e bën fakt të kryer që nuk do të largohet nga Erzeni.
“Në lidhje me ndeshjen ndaj Partizanit, me atë fitore jemi të gjithë të lumtur. Jemi të lumtur pasi ishin pikë shumë të rëndësishme për renditjen në tabelë dhe duke marrë parasysh që ky 3 pikësh erdhi ndaj Partizanit, një ekip që është pretendent për të fituar titullin kampion.
Merkato e janarit? Nuk largohem nga Erzeni. I falenderoj që më kanë dhënë mundësinë që të jem pjesë e këtij ekipi. Do të jap maksimumin deri në fund që ekipi të renditet sa më mirë. Përsa i përket objektivave, ne do t’i marrim ndeshjet një e nga një. Për ne çdo ndeshje është si një finale. Në fund të shohim ku do të renditemi”, është shprehur Mihana.
/Nikoll Andrea Rajta/
Lexo gjithashtu
