Kishin luajtur për 26 javë, por nuk kishin marrë asnjë kacidhe nga drejtuesit e Flamurtarit. Tanimë në këtë situatë të vështirë prej Coronavirusit, presidenti Sinan Idrizi ka befasuar të gjithë futbollistët teksa mbrëmjen e djeshme u ka komunikuar se do t’i kalojë nga një rrogë në llogaritët e tyre.
S’bëhet fjalë për “pagë lufte” sepse ajo do të depozitohet nga financea e FSHF-së, por rrogë sipas kushteve të nënshkruara në kontrata. Burime të besueshme për newsport.al tregojnë se kreu i vlonjatëve u ka bërë me dije që ditën e martë të gjithë do të kenë në llogaritë e tyre pagat sipas kontratave të nëshkruara për gjithësecilin.
Një lajm i mrekullueshëm ky për futbollistët vlonjatë që prej muajsh nuk ishin paguar. Dhe në këtë situatë të vështirë që po kalon e gjithë Shqipëria prej Coronavirusit, duket si një dhuratë nga “babagjyshi” i Vitit të Ri. Megjithatë nën zë lojtarët thonë se duhet të presin deri të martën derisa të shohin paratë në llogaritë e tyre. /Newsport.al/
Lexo gjithashtu
