Vllaznia do të luajë sot kundër Tiranës, ndeshje e vlefshme për javën e 30-të të Superiores. Shkodranët do të përballen me bardheblutë, një sfidë mjaft e rëndësishme për të dy ekipet për objektivat që kanë.
Newsport.al ka mësuar se ky takim i është besuar gjyqtarit Kreshnik Cjapi. Arbitri fierak është vlerësuar si i duhuri për të gjykuar këtë klasike të Shqipërisë. Sakaq, në Durrës është caktuar si gjyqtar kryesor Juxhin Xhaja.
Arbitri që mban edhe stemën e FIFA-s do të jetë në “Niko Dovana” për të vënë drejtësi. Të dyja këto takime do të zhvillohen në orën 18:00 dhe priten me mjaft interes nga gjithë sportdashësit. Për vetë specifikën që ka klasikja e Shqipërisë, për Cjapin do të ketë shumë punë për shkak edhe të mënyrës se si luajnë të dy ekipet.
S’mbetet gjë tjetër veçse të presim fërshëllimen e dy gjyqtarëve, respektivisht në Durrës dhe Shkodër për të mësuar pas 90 minutave verdiktet përfundimtare. /Newsport.al/
Lexo gjithashtu
