Jemi në prag të fillim të sezonit të ri të “Abissnet Superiore” dhe ekipet janë gati për të nisur një sezon që s’do të jetë si të tjerët.
Një formulë e re që nga disa është pritur mirë, por nga disa jo dhe aq, por gjithsesi ekipet dhe lojtarët janë aty për të arritur objektivat sezonalë.
Një nga ata është edhe mesfushori i Laçit, Klinti Qato. 25-vjeçari në një intervistë EKSKLUZIVE për “NEWSPORT.AL”, tregon objektivat e klubit kurbinas, por edhe objektivat personal për sezonin e ri.
Ndeshja hapëse përballë Erzenit a ka favoritë, mendoni se do e nisni me 3 pikësh sezonin e ri?
Mendoj se fillimi i mirë është gjysma e punës dhe duhet me patjetër të shfrytëzojmë aspektin fushë. Besoj se do të bëjmë mirë sepse baza e ekipit është dhe nga sezoni i kaluar dhe sigurisht që do ta nisim me 3 pikë.
Mendoni se Laçi është e gatshme për të kapur “Final Four”?
Objektivat e klubit gjithmonë kanë qenë për të kapur Europën si dhe për të qenë pretendent për titullin kampion. Edhe sezonin e kaluar ekipi luftoj deri në ndeshjen e fundit që do të thotë jemi gjithmonë pretendent.
Objektivat e Klinti Qatos me Laçin dhe objektivat personal?
Më duhet të rikuperoj minutat e humbura sezonin e kaluar për shkak të dëmtimit. Mendoj se me ndihmën e stafin tani kam arritur në formën optimale dhe shpresoj të bëj një kampionat të mirë në aspektin personal.
Lajmet e transferimit nga Laçi tek Teuta?
Nuk jam shumë në dijeni për këtë lëvizje pasi transferimet apo muhabetet janë bërë ndërmjet Presidentëve. Unë kam qenë dhe do të jem pesë e Laçit deri në fund të kontratës.
Sa shanse ka që Laçi të ‘surprizojë’ le të themi për të arritur tek ndonjë trofe?
Mendoj se ky ekip për këtë sezon është surprizë. Kemi punuar shumë për të arritur diçka dhe kam besim që mund të i’a arrijmë. Laçi ka në përbërje lojtarë të rinjë në moshë. Por mos të harrojmë se jemi disa nga lojtarët që kemi vite që luajmë bashkë.
A mendoni se eksperienca jashtë vendit është një mundësi e mirë për të qenë pjesë e Kombëtares?
Sigurisht, si çdo lojtar që luan në Shqipëri, opsioni më i mirë prë të shkuar në Kombëtare janë ekipet jashtë vendit. Por mendoj se duke punuar dhe duke u afirmuar në Shqipëri, mund të shkosh edhe nga Superliga.
Ekipi i Superiores që ka bërë merkaton më të mirë?
Tirana dhe Egnatia janë dy ekipet që për mendimin tim që kanë bërë merkaton më të mirë. Por le të themi dhe Partizani.
/Nikoll Rajta/
Lexo gjithashtu
