Futboll shqiptar mban frymën për supersfidën e nesërme mes Vllaznisë dhe Tiranës në Loro Boriçi, në orën 16:00 për javën e 21-të të Kategorisë Superiore. Një përballje direkte mes kryesuesve dhe vendit të dytë në një përplasje direkte për titullin kampion.
Burime të besueshme bëjnë me dije për Newsport.al njeriun që do të vendosë drejtësinë nesër në fushën e Loro Boriçit. Gjyqtari me stemën e FIFA-s, Enea Jorgji është i përzgjedhuri i FSHF-s duke i besuar një nga ndeshjet më pikante deri në këtë fazë të sezonit.
Përpara tifozëve shkodran, Vllaznia do të tentojë fitoren për të ngushtuar diferencën me Tiranën ndërsa kampionët në fuqi, me një fitore mund të “vrisnin” kampionatin, pasi diferenca do të shkonte në plot 9 pikë.
Arbiter kryesor: Enea Jorgji (Elbasan)
Asistent 1: Denis Rexha (Tirane)
Asistent 2: Ridiger Çoka j(Lezhe)
Arbiter i 4: Albert Doda (Tirane)
VAR: Florjan Lata (Durres)
AVAR: Andi Koçi (Durres)
Lexo gjithashtu
