Hamdi Salihi tashmë është i qetë, pasi ai ka vendosur përfundimisht për fatin e tij pas dënimit nga Komisioni i Disiplinës me 10 ndeshje. Pas incidenteve që ndodhën në takimin me Kukësit dhe Skënderbeut sezonin e kaluar, ndaj ishit të Skënderbeut u mor masa me pezullim për 10 ndeshje, kjo detyroi Salihin të kërkonte një ekip të ri, ku dënimi të mos merrej parasysh dhe kështu ka ndodhur.
Salihi ka firmosur para pak kohës me një kontratë të re me klubin austriak, SC Viener Nojshtad. Ka qenë vetë klubi, i cili ka sqaruar për të gjithë, se Salihi do të jetë pjesë e ekipit për sezonin e ri dhe se lojtari do të debutojë me ekipin nga ndeshja e parë.
Klubi ka sqaruar gjithashtu, se dënimi me 10 ndeshje për Salihin në Austri nuk është i vlefshëm, duke i hapur derën lojtarit për të luajtur i qetë. Pas largimi nga Skënderbeu, Salihi ka vendosur ti bashkohet ekipit austriak, pasi aty jeton dhe familja e tij.
Lexo gjithashtu
