Tirana do të presë Teutën sot në orën 19:00 në “Air Albania” për të zhvilluar ndeshjen e javës së 29-të të Superiores. Bardheblutë synojnë të vazhdojnë ecurinë e fitoreve pas suksesit në derbin ndaj Dinamos, por përpara gjejnë një Teutë pa humbje në 5 sfidat e fundit të kampionatit.
Kryeqytetasit do të bëjnë pa Gledi Micin dhe Ermal Metën. I pari është pezulluar për shkak kartonash, ndërsa mesfushori vijon të jetë i dëmtuar. Fagut i rikthehet kapiteni Hoxhallari, por pas shumë kohësh edhe Filip Najdovski duke konsoliduar kështu repartin me alternativa të forta.
Ndaj durrsakëve, Fagu pritet të hedhë të njëjtin formacion si në derbi, por Hoxhallari rikthehet titullar në vend të Micit. E vetmja dilemë është Lulaj apo Najdovski, me të parin më të avantazhuar pasi maqedonasi sapo është kthyer nga dëmtimi.
Formacioni i mundshëm:
Tirana (4-3-3): Kozi; Haxhiu, Lulaj, Hoxhallari, Përgjoni; Lushkja, Jonuzi, Deliu; Abazaj, Nikqi, Latifi.
Trajner: Erbim Fagu
Lexo gjithashtu
