Partizani do të luajë të hënën kundër Egnatias në transfertë, sfidë e vlefshme për javën e 28-të të Superiores. Para këtij takimi ka dalë në konferencën e zakonshme për shtyp trajneri Giovani Colella.
Atmosfera brenda skuadrës është pozitive dhe kësisoj ndaj Egnatias do të tentohet rezultat pozitiv.
Trajneri italian i të kuqve e vlerëson maksimalisht skuadrën rrogozhinase. Edhe pse do të luhet pa tifozë, kjo nuk duket aspak problem për Colellën. Cili do të jetë formacioni? Edhe për këtë ka një përgjigje.
“Egnatia është e treta. Ata kërkojnë të fitojnë që të hyjnë në lojë. Për mendimin tim Egnatia është një skuadër e fortë, e kam thënë gjithmonë.
Mungesa e tifozëve - Nuk ndryshon asgjë. Nëse luajmë pa tifozë, atëherë kanë një motiv.
Da Silva dhe Atanaskoski - Da Silva nuk ka luajtur për tre muaj me Partizanin. Atanaskoski sigurisht që ka një problem, por mendoj se nuk është shumë i madh sepse kemi dhe lojtarë të tjerë. Të gjithë ata që kemi në dispozicion do të bëjnë një punë shumë të mirë dhe mendoj se do t’i shmangin këto mungesa.
Barazimi - Sa i përket barazimit nuk mund ta them tani, por mbas ndeshjes. Por ne i përgatisim gjithnjë ndeshjet për t’i fituar.
Rrezikshmëria - Sigurisht që ata do të bëjnë maksimumin për ta fituar ndeshjen. Nëse e realizojnë këtë gjë do të jenë një kundërshtar në luftën për titull. Por ne do të bëjmë më të mirën për ta fituar ndeshjen. Nëse nuk e arrijmë do të synojmë të njëjtën gjë ndeshjen e radhës.
Dwamena - Nuk mendoj se është vetëm Dwamena lojtar i rrezikshëm, por Egnatia ka shumë lojtarë cilësorë. Pra nëse ndalojmë Duamenën, është Kasa, është Xhekson, që dhe ata mund të shënojnë.
Ndryshimi i formacionit - Sepse kënaqem. Unë duhet të kënaqem kur punoj. E patë Milan-Empoli mbrëmë? Kush luante me Milanin? Ky është futbolli. Futbolli i kohës së sotme. Nuk mund të përqendrohem te futbolli i kohës së tashme, mund ta quaj diktaturë. Ka qenë dhe futbolli atëhershëm i thjeshtë për trajnerët. Unë kam njohur një trajner që formacionin nuk e zbardhte asnjëherë para ndeshjes, sepse luanin të njëjtët lojtarë. Ishte e thjeshtë për të”, ka thënë ai.
Lexo gjithashtu
