Merveil Ndockyt është një nga shitjet e më të shtrentja të Tiranës në vitet e fundit. Bardheblutë e shitën futbollistin e talentuar te Getafe për plot 400 mijë euro në gusht të vitit 2017 ndërsa përfituan sërish rreth 100 mijë euro nga rishitja e tij te Osijek 3 vite më parë, pasi klubi kishte ruajtur 20% të kartonit.
Mesfushori afrikan erdhi vetëm 18-vjeç në Shqipëri dhe u bë pjesë e akademisë bardheblu dhe menjëherë gjeti veten në ekipin e parë. Në atë periudhë të vështirë të klubit, Merveil ishte ndoshta gëzimi i vetëm teksa cilësitë e tij ranë në sy të të gjithëve. Tashmë, 25 vjeç ai është pjesë e HNK Gorica ku ka edhe një vit kontratë.
Pse po ua risjellim emrin e tij? Sepse së fundmi, Merveil, pas plot 5 viteve është lidhur sërish me Tiranën, por kësaj rradhe nëpërmjet një postimi në Instagram. Mesfushori ka komentuar në postin e golit të Kaina Nunes, duke shkruar: “Gjithmonë numri 19”, për shkak se edhe ai ka mbajtur në shpinë këtë numër kur luante me Tiranën.
A është kjo një ‘sms’ merkatoje apo thjeshtë një koment i përzemërt ende nuk e dimë, por mbetet të shihet.
[caption id="attachment_701798" align="alignnone" width="609"]
Postimi i Tiranes dhe komentet e Xhixhes e Ndockyt, ©KF Tirana[/caption]
Lexo gjithashtu
