Egzon Bejtullai do të jetë lojtari më i ri i Tiranës, sipas SuperSport. Bardheblutë kanë arritur marrëveshjen me kapitenin e Shkëndijës i cili do të vijë si transferim me kosto zero. Kryeqytetasit bëjnë një tjetër goditje pas Kaina Nunes dhe Gentian Selmanit, por kjo e Bejtullait është e një tjetër niveli.
Qendërmbrojtësi 29-vjeçar ka një vlerë të çmendur prej 700 mijë eurosh në Transfermarkt dhe mund të themi me plot gojë se është ndër goditjet më të bujshme në vitet e fundit.
Palët kanë arritur marrëveshjen dhe firma pritet hidhet në kontratë shumë shpejt. Bejtullai ofron garanci në prapavijë, cilësi dhe eksperiencë që pakkush e kanë. Pjesë e rëndësishme e kombëtares së Maqedonisë së Veriut dhe tanimë pritet të japë kontributin e tij edhe për fanellën bardheblu.
Lexo gjithashtu
