Egnatia s’ka ndërmend të ndalet në merkato. Pas afrimeve të Stivi Jankut, Albano Aleksit dhe sulmuesit Isgandarli, rrogozhinasit godasin sërish duke firmosur me Edison Ndrecën.
Burime të besueshme pranë klubit, bëjnë me dije për Newsport.al se drejtuesit kanë mbyllur marrëveshjen pas akordit total me lojtarin i cili ka hedhur edhe firmën mbi kontratë. Ndreca do t’i bashkohet skuadrës në stërvitje ditën e nesërme, atëherë kur pritet edhe zyrtarizimi në rrjete sociale nga klubi.
Trajneri Tetova do të ketë kështu një nga lojtarët më të vlerësuar të kampionatit shqiptar, por gjithashtu një “dhimbje koke” më shumë pasi duhet të zgjedhë mes tij apo Emiljano Mustës.
Poll
Lexo gjithashtu
