Numërimi mbrapsht për derbin e kryeqytetit ka nisur. Jemi vetëm 3 ditë larg ndeshjes së madhe që do të “paralizojë” kryeqytetin. Tirana dhe Partizani do të përplasin “brirët” në “Air Albania” ditën e mërkurë duke nisur që nga ora 18:30.
Kjo sfidë do të vendosë edhe fatet e titullit kampion këtë sezon, pasi diferenca mes dy ekipeve të kryeqytetit është vetëm 2 pikë. Si një ndeshje vendimtare edhe interesi i tifozëve pritet i lartë.
Në fakt është i jashtëzakonshëm. “Newsport.al” ka arritur të mësojë edhe nurmin zyrtarë= të biletave të shitura deri tani për derbin e kryeqytetit. Janë plot 9800 bileta të shitura deri në këto momente. Një shifër e jashtëzakonshme duke ditur që jemi 3 ditë përpara ndeshjes së madhe.
Tifozeritë si çdo ndeshje tjetër edhe këtë herë nuk do të zhgënjejnë me prezencën e tyre, teksa në ditët në vazhdit numri i biletave do të rritet akoma më shumë. Për shkak të angazhimeve që tifozët kanë, janë të pritur të lënë që biletën ta sigurojnë edhe gjatë ditës së derbit, andaj dhe numri i tyre do të rritet ndjeshëm.
Lexo gjithashtu
