Sindrit Guri mund t'i bashkohet Dinamos në këtë merkato vere. Sulmuesi shkodran i dha fund aventurës së tij në Turqi dhe tashmë mund të vijë në kryeqytet për të përfaqësuar 18 herë kampionët e vendit. Sipas shtypit të shkruar, emri i tij është lakuar në ambientet e klubit kryeqytetas pa dashur të japin detaje të tjera.
Edhe pse dëshira e lojtarit është të vijojë karrierën jashtë vendit, nuk do të jetë çudi nëse edicionin e ri e shohim të luajë në Shqipëri. Eksperienca e disa viteve më parë me Kukësin mund t'i shërbejë që të bëjë mirë edhe me Dinamon.
Pritet të shihet se çdo të ndodhë, teksa emri i tij është lakuar edhe te Partizani. Hë për hë tek të kuqtë nuk ka asgjë konkrete, pasi të gjithë janë të përqëndruar në ndeshjet e Kupave të Europës.
Lexo gjithashtu
