Mahamane Traore mund të jetë goditja e madhe e Tiranës në këtë
merkato vere. Lojtari me pasaportë franceze ka mbërritur në kryeqytet prej disa
ditësh dhe është vënë menjëherë nën urdhërat e trajnerit, Ardian Mema dhe
stafit të tij.
30 vjeçari i dalë nga akademia e Cercle Olympiacos është në provë te bardheblutë,
të cilët do të japin më pas edhe verdiktin finale për të. Karriera e tij është
fokusuar në 3 skuadra, ku bien në sy ekipet e Ligue 1, Nice dhe Metz.
Me dy skuadrat e njohura në Francë, Traore ka kaluar 12 sezone, dhjetë prej të
cilave te Nice. Fillimisht debutoi me ekipin B të Nice, ku koleksionoi 30
paraqitje e 4 gola, për të kaluar më pas te ekipi i madh.
Aty numëron 100 paraqitje në harkun kohor të 10 viteve, teksa realizoi edhe 9
gola. Për dy sezone, ai u huazua te Metz, ku shënoi 5 gola në 36 ndeshje.
Mesfushori nga Mali vjen te Tirana pas eksperiencës në Lituani te Zalgiris.
Lexo gjithashtu
