Që pas largimit të Orges Shehit nga Tirana, në krye të stolit u vendos Julian Ahmataj. Çdo gjë u pa si e përkohshme, ndërsa tashmë te bardheblutë po studiojnë mundësitë për ndryshime të mundshme. Një prej alternativave më të bujshme është Giovanni Colella.
Ish-trajneri i Partizanit i është vetëofruar nënkampionëve, teksa mbetet në dorën e këtyre të fundit për të vendosur. Kujtojmë se të kuqtë nuk e besuan Colellan në përfundimin e sezonit të kaluar, për të vazhduar projektin në krye të skuadrës.
Colella dhe pse është trajneri kampion, ka mbetur pa skuadër pas largimit nga Partizani. 57-vjeçari është përfolur në klube të tjera të Superiores gjatë kësaj kohe, por mesa duket dëshira e italianit është për të qëndruar në kryeqytet.
Te Tirana janë treguar gjithmonë të kujdesshëm në përzgjedhjen e trajnerit, megjithatë asgjë nuk është çudi pas firmës së Orges Shehit te Partizani.
Lexo gjithashtu
