Xhuliano Skuka është nga lojtaret me të mirë, ndoshta më i miri, këtë sezon në Shqipëri teksa ka shënuar 10 gola në 15 ndeshje duke dërguar Partizanin në krye të renditjes. Performancat e tij i dhanë edhe ftesën e Kombëtares me të cilën shënoi edhe një gol në miqësore ndaj Armenisë.
Të interesuarit janë të shumtë për shërbimet e tij por hapa konkrete vijnë nga Serie A. Hellas Verona ka shprehur interesim te drejtori Marini për Skukën. Fillimisht emri i tij nuk ishte nga ata në krye të listës por hap pas hapi është ngritur.
Objektivi kryesor i veronezëve është Fabio Borini por drejtori ka deklaruar se ekipi i Karagumruk po reziston më tepër sesa pritej ndërsa Federico Bonazzoli i Salernitanas duket më pranë Cremonese. Kjo ka bërë që bomberi shqiptar të ngjitet në krye të listës së italianëve, raporton TuttoMercatoWeb.
Lexo gjithashtu
