Vllaznia do të presë Kukësin në “Loro Boriçi” ditën e shtunë për të zhvilluar mes tyre edhe sfidën e parë të kampionatit për sezonin 2023-2024. Ky takim do të startojë në orën 20:00 dhe do të jetë një “luftë” mes dy ekipeve për pikët e para.
Por kjo përballje duket se është bërë “malore” për shkodranët, të cilët vetëm 2 ditë para Kukësit u është dëmtuar një nga titullarët. Ardit Krymi gjatë stërvitjes së fundit ka pësuar një tërheqje në momentin që ka goditur topin dhe është detyruar të lërë stërvitjen në mes.
Lojtari pritet t’u nënshtrohet vizitave mjekësore për të mësuar edhe shkallën e dëmtimit dhe dueli me verilindorët për 26-vjeçarin mbetet në pikëpyetje. Mungesa e mesfushorit do të prishte planet e Migen Memellit në formacionin që ka skicuar për startin e Superiores.
Lexo gjithashtu
