Java e 20 në Kategorinë Superiore dhuron përballje vërtetë interesante.
Ajo që tërheq vëmendjen është padyshim dueli i Vlorës, aty ku Flamurtari pret në shtëpi Kukësin e ambicieve të mëdha. Dy skuadrat vijnë pas barazime në fundjavën e shkuar dhe përballë tyre kanë synime të qarta, 3 pikët.
Gjithsesi, në letër nuk figuron skuadra favorite, edhe pse vendasit nisën më të avantazhuar për shkak edhe të historisë. Në dy takimet e para të këtij sezoni, është Flamurtari ai i cili ia ka dalë të marrë pikë të plota, plot gjashtë. Në Vlorë kuqezinjtë triumfuan me rezultatin e ngushtë 1-0, falë një goli të Albi Allës.
Ndërsa takimi i dytë u vendos nga golat e Veliut dhe Alves, në një fitore emocionuese të mbyllur me shifrat 2-1. Sa i përket kësaj ndeshjeje Kukësi do të vuaj mungesa të rëndësishme si Edis Malikji dhe William Cordeiro. Nga ana tjetër Ilir Daja pritet të mos "arnojë" formacionin e tij, ku me ardhjen e Xhevahir Sukaj ka gjetur edhe "pykën" e sulmit.
Lexo gjithashtu
