Jemi vetëm pak javë para startit të Abissnet Superiore. Skuadrat po u japin dorën e fundit përgatitjeve për sezonin e ri, ndërsa po shfrytësojnë në maksimum kohën për të zhvilluar edhe miqësore, me trajnerët që duan të shikojnë edhe gjendjen e lojtarëve.
Fundjava do të jetë e mbushur me miqësore. Partizani do presë në “Air Albania” Romën për të zhvilluar mes tyre një miqësore luksi. Gjithashtu edhe Egnatia ditën e diel do të ketë përballë një tjetër ekip italian, Interit.
Por jo vetëm kaq, pasi të shtunën do të luhet një tjetër miqësore që na rikthen emocionet e “Klasikes” së Shqipërisë përpara startit të kampionatit. Tirana dhe Vllaznia do të duelojnë mes tyre në “Selman Stërmasi” të shtunën. Sfida do të nisë në orën 17:00, ku Orges Shehi dhe Migen Memelli do të “skicojnë” edhe formacionin bazë me të cilin do të luajnë sezonin e ri.
Lexo gjithashtu
