Partizani do të udhëtojë në transfertë për t’u përballur me Laçin në kuadër të javës së 29-të të Abissnet Superiore. Një sfidë mjaft e rëndësishme për demat që pas barazimit me Egnatian synojnë rikthimin te fitorja për të mos “larë” duar me titullin.
Për këtë transfertë ka dritë në fund të “tunelit” për të kuqtë. Përpos 3 mungesave si Cara, Selmani dhe Atanaskovski që nuk do të jenë të gatshëm për Giovanni Colellën, një rikthim “BIG” i rikthen buzëqeshjen italianit.
Da Silva i cili mungoi ndaj rrogozhinasve për arsye pezullimi, ndaj kurbinasve ditën e dielë në orën 15:00 do të jetë gati. Braziliani do të marrë kështu edhe vendin e tij në formacion, me Colellën që shpreson që lojtari të bëjë një paraqitje të mirë për të ndihmuar skuadrën drejt marrjes së 3 pikëve.
Lexo gjithashtu
