Ditën e sotme Kategoria e Dytë do të zhvillojë ndeshjet e fundit të grupit A për këtë sezon. Një prej sfidave interesante është edhe dueli mes Vorës dhe Murlanit, ora 15:00. Kjo përballje është shumë e rëndësishme për vendasit, të cilët në stadiumin e tyre do ta kthejnë në një festë të vërtetë këtë sfidë. Pikërisht në fund të kësaj përballjeje do t’u dorëzohet edhe trofeu i titullit kampion në grupin A. Kjo ndeshje do të vijë falas për të gjithë sportdashësit nëpërmjet valëve të Radio Televizionit Shqiptar, kur RTSH-sport do ta transmetojë falas. Kujtojmë se Vora ka siguruar disa javë para se të përfundonte kampionati edhe ngjitjen në Kategorinë e Parë për sezonin e ardhshëm.

 

View this post on Instagram

 

A post shared by RTSH Sport - zyrtare (@rtshsport.al)