Egnatia shkroi historinë teksa për herë të parë në historinë e saj arriti të kualifikohej për në finalen e madhe të Kupës së Shqipërisë. Fitore minimale 1-0 me golin e kapitenit Jackson në fund të takimit ndezi festën e madhe në Rrogozhinë. Pas ndeshjes, për Oversport, foli futbollisti Hysen Memolla.
Kemi pas një ekip të kompletuar, sidomos Dëamena, Kasa dhe unë. Jemi të fortë dhe kemi shtuar kualitet, Arritëm një finale të merituar, jemi ekipi më i fortë sot për sot. Në finale do të shohim se ç’do të ndodhë.
Qendërmbrojtës? E kam bërë këtë rol para 5-6 viteve, më pëlqen ndihem mirë, e rëndësishme është të jap 100% për ekipin. Nuk ka rëndësi ku luaj por mjafton të luaj dhe të jap më të mirën për ekipin.
Mesazhi për Sylvinhon? Mesazhet i jap në fushë, shpresoj të shërbej për ekipin. Trajneri është inteligjent dhe e di se kush mund të jap për ekipin kombëtar, unë thjeshtë do të jap maksimumin që ta arrij prap Kombëtaren.
Nuk e mendova 2 herë për të ardhur te Egnatia. Që në stërvitjen e parë pashë super kualitet. Kemi arritur një finale dhe shpresoj ta ngremë kupën në fund.
Lexo gjithashtu
