Derbi mes Tiranës dhe Partizanit pati shumë trazira dhe dëme material në stadium. Tifozët e dy skuadrave u përplasën me njëri-tjetrin dhe ditën e sotme Komisioni i Disiplinës dhe Etikës ka marrë vendimin.
Është vendosur që 14 tifozëve do t’u ndalohet hyrja në të gjitha stadiumet e vendit tonë në një periudhë të pacaktuar. Janë bërë të ditur edhe emrat e tyre.
Më poshtë njoftimi i plotë i Komisionit të Disiplinës dhe Etikës në FSHF:
Pasi u njoh me relacionin e Sekretariatit Teknik, korrespondencën me policinë e shtetit lidhur me aktet e dhunës në ndeshjen KF Tirana – FK Partizani të zhvilluar më datë 03.12.2023, ku janë konstatuar shkelje të parashikimeve ligjore të nenit 48 e vijues të Ligjit 79/2021 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar në nenin 59 e vijues të KDE
VENDOSI:
- Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF për një periudhë të pakufizuar kohe personave të më poshtëm:
– Denis Ahmeti
– Renis Maçi
– Qemal Cano
– Endri Mesiti
– Juxhin Seferi
– Mishel Burreli
– Redi Sinani
– Erinol Dushaj
– Grejsi Sorra
– Lorjan Beqo
– Elvis Qatia
– Herald Huqi
– Donald Ismaili
– Armand Shëngjergji
- Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi.
- Një kopje e këtij vendimi t`i përcillet Policisë së Shtetit.
Lexo gjithashtu
