Dinamo do të udhëtojë në transfertë për të sfiduar Erzenin në sfidën e javës së 22-të të Superiores. Kjo përballje do të luhet ditën e dielë duke nisur që nga ora 13:30 në “Egnatia Arena”.
Një duel mjaft i rëndësishëm për “Blutë” që do të synojnë fitoren e dytë rresht në kampionat dhe pas triumfit spektakolar ndaj Kukësit, kërkojnë edhe “kokën” e shijakasve. Dritan Mehmeti për këtë sfidë do të ketë një “armë” plus.
Fatjon Andoni rikthehet nga pezullimi dhe do të jeti i gatshëm ndaj Erzenit. Kjo bën që lojtari të marrë vendin e tij në mesfushë dhe në këto kushte Mehmeti do të ketë të plotë grupin e lojtarëve për duelin e së dielës.
Timonieri i dinamovitëve do të ketë luksin e zgjedhjeve të më të mirëve dhe tashmë ka nisur edhe punën për përgatitjen e skuadrës për këtë përballje. Aktualisht Dinamo mban vendin e 6-të në tabelën e klasifikimit me 25 pikë, teksa ka një ndeshje mangut.
Lexo gjithashtu
