Dinamo do të presë Skënderbeun ditën e hënë në orën 13:00 në Selman Stërmasi për javën e 15-të të Kategorisë së Parë. Të dy skuadrat vijnë pas dy fitoreve dhe kryesojnë tabelën e renditjes me Dinamon në vendin e parë me 4 pikë më shumë se korçarët.
Fitorja e dinamovitëve ndaj Orikut kënaqi skuadrën për golat e shënuar por ka lënë me pasoja pas ndeshjes. Dy sulmuesit kryesor, Redon Danaj dhe Taulant Marku lanë fushën e lojës të dëmtuar ndërsa Edvan Bakaj dhe Patrik Bardhi vuajnë nga disa probleme fizike dhe të katërt rrezikojnë seriozisht ndeshjen e rradhës.
Për ta çuar në pesë numrin e mungesave është Alesio Mija që pas kartonit të verdhë, plotëson kuotën dhe dënohet me një ndeshje pezullim nga aktiviteti. Halle të mëdha për trajnerin Dede që duhet të bëjë pa gjysmën e ekipit thuajse ndaj një rivali direkt për titull.
Lexo gjithashtu
