Dinamo nuk ka ndërmend të ndalet. Drejtuesit duan që të përforcojnë sa më shumë skuadrën për saezonin e ri, teksa u kanë vënë syrin disa lojtarëv që e njohin mirë Superioren.
I fundit që ka rënë në “radarin” e Luigi Di Biagio është Rejan Alivoda. Talenti shkodran shkëlqeu sezonin e kaluar me Vllazninë, duke u kthyer në një pikë kyçe në formacionin kuqeblu.
Por me Migen Memellin nuk duket se do të ketë minutat e dëshiruara dhe në këto kushte Dinamo kërkon ta trnasferojë në kryeqytet. Për këtë Blutë kanë bërë hapa konkret për të siguruar shërbimet e 20-vjeçarit.
Drejtuesit kryeqytetas kanë ofruar 50 mijë euro për blerjen e Alivodës, teksa 30% e kartonit të mbahet nga shkodranët në rast rishitje. Por Vllaznia për të lënë të lirë shkodranin kërkon minimumi 150 mijë euro. Mbetet të shihet se çfarë do të ndodhë me të ardhmen e lojtarit.
Lexo gjithashtu
