Prej katër vitesh Dinamo është pjesë e Kategorisë së Parë dhe nuk ka gjetur mundësinë financiare që të rikthehet në elitën e futbollit shqiptar. Normalisht që kujtdo mund t'i vijë keq për këtë ekip, i cili ka mbi shpatulla 18 tituj kampionë dhe 13 Kupa Republike, por përderisa është pronë e dikujt, atëherë nuk mund të vërë dorë që ta ngrejë më lartë.
[caption id="attachment_12352" align="alignleft" width="300"]
Igli Allmuç, trajneri i Dinamos[/caption]
Megjithatë, duket se ka ardhur momenti i artë që kjo skuadër të nisë rrugëtimin për të çuar në vend nderin që i ka humbur prej pesë vitesh. Mësohet se drejtuesit po lëvizin për të bërë ndryshime në ekip, të cilat varen edhe nga terrenet dhe ambientet ku kjo skuadër do të akomodohet.
Kompleksi "Dinamo" tashmë ka marrë fjalën "ish" përpara, ndërsa brenda mureve të hotelit, menzës dhe palestrës së klubit blu janë ndërtuar zyra për Agjencinë e Shërbimit të Sporteve, ndërsa skuadra endet rrugëve të kryeqytetit më ëndrrën e rikthimit.
Por, premtimet e politikës kanë mbajtur varur këtë klub, i cili tashmë është në pronë të Bashkisë së Tiranës pas një vendimi të Këshillit të Ministrave. Premtimi është rikthimi në ambientet e klubit, në mënyrë që drejtuesit e saj, Besnik Sulaj dhe Avni Braçaj, të bëjnë investimet e duhura për të rikthyer skuadrën në nivelin e mëparshëm.
Sa i përket sezonit të ri, përveç synimit për rikthimit në ambientet e zaptuara, do të ketë dhe synimin për rikthimin apo thirrjen e lojtarëve me peshë që do të ndihmojnë skuadrën për rikthimin në Superiore.
[caption id="attachment_12353" align="alignleft" width="300"]
Godina dhe fushat e kompleksit "Dinamo"[/caption]
Administratori Ismet Saliaj për burime konfidenciale pranë "newsport.al" ka pohuar se fakti i rikthimit në ambiente është i vërtetë, por po vonon, megjithatë shpresat janë të mëdhaja. Sa iu përket lojtarëve, ai ka kontaktuar vetëm futbollistë që kanë luajtur në Superiore, ndërsa kryesore është që të afrohen 5 lojtarë për të ndërtuar boshtin e ekipit.
Trajner do të jetë Igli Allmuça edhe këtë sezon, ndërsa ky i fundit ka nisur punën 10 ditë më parë me lojtarët më të rinj në moshë të skuadrës. Javën e ardhshme do të nisin dhe përgatitjet me lojtarët e tjerë të ekipit, ndërsa do të zbresin dhe prurjet e reja që janë përcaktuar.
Lexo gjithashtu
