Dinamo është një nga skuadrat që po punon me shumë kujdes në këtë merkato vere. Kryeqytetasit synojnë të marrin lojtarë me eksperiencë dhe të mos përsërisin gabimet e të kaluarës.
Në këtë mënyrë për Dritan Mehmetin po “pikasen” lojtarët e duhur që t’i ketë nën urdhrat e tij në sezonin e ri. Blutë pavarësisht se kanë arritur marrëveshje me disa lojtarë, akoma nuk ka ardhur zyrtarizimi i tyre. Berhiratche, Rustem Hoxha, Lorran, Kaçorri janë lojtarët e Dinamos për të cilët pritet zyrtarizimi.
Por jo vetëm kaq, drejtuesit kanë arritur të “peshkojnë” sërish në Superiore dhe në radarin e tyre kanë rënë 3 lojtarë. Nehar Sadiku dhe Xhevahir Kapllani e mbyllën sezonin me Erzenin dhe tashmë po studiojnë me imtësi mundësinë e transferimit në kryeqytet. Mbrojtësi dhe sulmuesi do të ishin një vllerë e shtuar për Mehmetin.
Ndërkohë te Egnatia kanë menduar të tentojnë Eduards Emsis, i cili u bashkua me rrogozhinasit vetëm në merkaton e janarit. Mesfushori për shkak të konkurencës në skuadër nuk ka mundur të ketë minutat e dëshiruara dhe në kët ëmënyrë nuk do t’i thoshte “JO” Dinamos.
Në fakt zyrtarizimi i të 3 lojtarëve të Dinamo është çështje kohe, pasi palët kanë arritur marrëveshjen mes tyre.
Lexo gjithashtu
