Dinamo Batum nxjerr në shitje biletat për ndeshjen me Tiranën, çmimet pritet të mbushin stadiumin
Shkruar nga NEWSPORT
Klubi i Dinamo Batumit, ekip me të cilin Tirana do të zhvillojë ndeshjen e kthimit të fazës së parë të Conference League, ka publikuar çmimet e biletave për ndeshjen kundër ekipit shqiptar.
Bien në sy çmimet e lira të biletave që klubi ka vendosur për tifozët. Gjeorgjianët kanë vendosur çmime që variojnë nga 5 deri në 50 lari (para gjeorgjiane).
Në lekun e vendit tonë këto shuma janë nga bileta më e lirë që është rreth 178 lekë deri tek Tribuna VIP, bileta për të cilën kushton rreth 1780 lekë. Çmime mjaft të ulëta duke parë rëndësinë e ndeshjes.