Franca ka mundur të fitojë Botërorin "Rusi 2018" ndaj Kroacisë duke e mundur këtë të fundit me rezultatin 4-2. Pas pëfundimit të supersfidës ka folur trajneri i Francës, Didier Deschamps. Tekniku është shprehur i lumtur për suksesin e arritur, duke theksuar se lojtarët e drejtuar nga ai zhvilluan një lojë të mirë dhe në fund morën atë që meritonion, trofeun.
"Është gjithçka kaq e bukur dhe e mrekullueshme. Disa janë kampionë në moshën 19-vjeçare. Nuk kemi bërë një ndeshje të madhe, por kemi treguar cilësi mendore. Dhe pastaj kemi shënuar 4 gola. Ka meritë edhe për këtë. Jemi nisur nga larg, nuk ka qenë gjithmonë e thjeshtë, por me punë, tani jemi aty. Jemi në majën e botës për katër vite. Na kishte dhimbtur shumë kur humbëm Europianin para dy vitesh, por ndoshta na bëri mirë. Tani ky moment u përket lojtarëve. Pas 55 ditësh, në kemi bërë shumë punë. Ky është maksimumi. I duam francezët, jemi krenarë që jemi francezë, që jemi 'blu'. Rroftë Republika", është shprehur Didier Deschamps pas përfundimit të takimit.
Lexo gjithashtu
