Erzeni është padyshim hirushja e këtij sezoni në Superiore. Pavarësisht se siguruan mbijetesën vetëm në një ndeshje shtesë, shijakasit meritojnë duartrokitje për atë që kanë treguar këtë sezon. Deri në dy fazat e para ata ishin në vendin e tretë në renditje duke korrur fitore me skuadra si Tirana, Partizani e Vllaznia.
Megjithatë, pjesa e dytë e kampionatit ishte tejet i vështirë. Dëmtimet e shumta të lojtarëve si Sadiki, Krasniqi, Peposhi të cilët munguan gjatë, trazuan gjendjen e ekipit. Skuadra humbi rrugën dhe rezultatet negative erdhën rresht, që çuan më pas deri në Play-Out.
Së fundmi, Erzeni njofton se ka mbyllur bashkëpunimin me përgatitësin atletik, Aurel Locaj. Drejtuesit shijakas janë të heshtur këtë merkato teksa afrimet mbeten enigmë ndërsa edhe në dalje, pavarësisht se ka fjalë për disa lojtar, nuk ka ende një shkëndijë.
Lexo gjithashtu
