
Tirana do të luajë me Dinamon në “Selman Stërmasi” ditën e shtunë, sfidë kjo e rëndësishme për javën e 10-të të Superiores. Bardheblutë në këtë përbalje vijnë të “sakatuar” nga dëmtimet.
Filip Najdovski dhe Bruno Lulaj janë dëmtuar të dy në sfidën me Egnatian dhe të dy futbollistët do të mungojnë minimalisht 1 muaj. Kjo shton “hallet” e Julian Ahmataj për të ndërtuar formacionin ndaj “Bluve”.
I gatshëm për këtë pozicion ëhstë vetëm Erion Hoxhallari, ndërsa duhet që Ahmataj të improvizojë një dyshe tjetër në qendër të mbrojtjes. Në këto kushte opsion ëhstë Ardit Hila, i cili u pezullua pas derbit, pavarësisht se te bardheblutë ngulmojnë se ai është i dëmtuar.
Në këto kushte duket se Tirana ka vendosur të “ulë gjakrat” me mesfushorin, i cili ndaj Dinamos mund të luajë në mbrojtje. Mungesat në këtë mënyrë detyrojnë palët të bëjnë “paqe” dhe të kontribuojnë për të ndihmuar ekipin të arrijë rezultate pozitive.