Në javën e 5-të të Superiore, një ndër ndeshjet më interesante ishte ajo mes Skënderbeut dhe Teutës. Korçarët fituan në shtëpi me rezultatin 1-0 me golin e shënuar nga Blerim Krasniqi në pjesën e parë.
Në fund të ndeshjes, tekniku i durrsakëve, Bledi Shkëmbi, foli për humbjen, por ndër të tjera tha se "Skënderbeu mbetet Skënderbe", duke nënkuptuar këtu, se pavarësisht problemeve që korçarët kanë, gjithashtu ata dinë edhe të ndëshkojnë e të marrin pikë, duke qenë një "kambanë alarmi" për çdo kundërshtar.
Skuadra e drejtuar nga Ilir Daja, deri më tani ndodhet vetëm 1 pikë larg kreut, plot 9-të, me 3 fitore dhe 2 humbje. Takimi i radhës për bardhekuqtë do të jetë në një terren aspak të thjeshtë si "Loro Boriçi" ndaj Vllaznisë, ditën e shtunë, në orën 16-të.
Lexo gjithashtu
