Një deklaratë e Migen Memellit pas fitores 2-0 në transfertë kundër Skënderbeut, ka bërë që gjithë mediet të jenë të interesuar për gjendjen e vajzës së Alban Hasanit. Trajneri i Vllaznisë u shpreh pas takimit se e bija e drejtorit teknik të akademisë së shkodranëve po lufton me jetën.
Newsport.al u interesua dhe mësoi se vajza e madhe ka shkuar sot në spital për një ndërhyrje të thjeshtë. Por, procesi i anestezisë ka ndikuar keq te e reja duke i shkaktuar një alergji të rëndë. Gjendja është përkeqësuar dhe mjekët janë detyruar ta fusin në reanimacion.
Të njëjtat burime tregojnë se gjendja e saj vijon të paraqitet e rëndë. Mjekët po përpiqen maksimalisht për të bërë më të mirën dhe në të tilla kushte, edhe stafi teknik bashkë me lojtarët kanë lënë menjëherë Korçën për t'iu gjendur pranë Alban Hasanit.
ÇFARË DEKLAROI MIGEN MEMELLI:
“Kam dalë në këtë intervistë për të respektuar të gjithë të ftuarit. Për hirë të së vërtetës më duhet të jap një lajm që nuk është i mirë. Vajza e mikut tonë Alban Hasani, drejtorit të akademisë së Vllaznisë, po lufton me jetën. Në këto kushte kemi shumë ngarkesë psikologjike”
Lexo gjithashtu
