Shqipëria U-19 për futbollin e femrave do të marrë pjesë në eliminatoret e kampionatit Europian të vitit 2017 që zdo të zhvillohet në Irlandën e Veriut, ndërsa trajneri Nevil Dede është duke kompletuar skuadrën e tij me lojtaret që i duhen.
Ato do të kenë kundërshtare femrat e Skocisë, Serbisë dhe Qipros, ndërsa trajneri Dede është optimist për këto eliminatore, të cilat do të zhvillohen në harkun e pesë ditëve në Shqipëri.
"Nga viti në vit po përmirësohemi dhe futbolli i femrave ka pasur prurje. Ky progres do të shihet edhe këtë vit. Për objektiva mund të them që shpresojmë të lëmë Qipron poshtë në renditje. Megjithatë ne duhet të dimë limitet tona pasi skuadrat që kemi përballë kanë shumë vite që luajnë futbollin e femrave", deklaroi trajneri Nevil Dede.
Lexo gjithashtu
