Çdo ditë shtohen skuadrat Kombëtare në listën e ofertave për trajnerin e Shqipërisë, italianin Xhani De Biazi. Paraqitja e kuqezinjve në Francë 2016 i ka bërë një reklamë të jashtëzakonshme të parit të stolit të Kombëtares sonë, që ka edhe dy vjet kontratë. Media rumune, “Prosport.ro”, bën me dije se edhe kombëtarja e Rumanisë është e interesuar për De Biazin, por ende nuk ka kontakte zyrtare. Trajneri i kuqezinjve duket disi i joshur nga Rumania, pasi vlerëson grupin e saj. “Rumania ka një grup të mirë futbollistësh dhe është në një grup të favorshëm për eliminatoret e Rusi 2018. Kam kontratë me Shqipërinë edhe 2 vjet, por kam një klauzolë, që nuk më pengon të largohem”, - ka thënë trajneri De Biazi për mediet rumune, ndoshta me diplomaci.
Lexo gjithashtu
