
Skuadra e Tiranës po kalon një moment mjaft të mirë në kampionat teksa gjendet në vendin e parë të grupit B në Kategorinë e Parë me 9 pikë. Një ndër lojtarët që ka spikatur në këtë sezon është afrimi i merkatos verore, Bedri Greca. Ky i fundit nuk ka shënuar asnjë gol, megjithatë me kontributin e dhënë me fanelën bardheblu ka qenë mjaft i rëndësishëm në rezultatet e Tiranës.
Mesfushori kryeqytetas vlerësohet edhe nga shokët e skuadrës. Madje talenti Albi Doka e krahason me Cristiano Ronaldon përmes një komenti të bërë te foto e tij në rrjetet sociale. Sigurisht niveli i portugezit është shumë herë më lart, por duket se Albi Doka ka një konsideratë të veçantë për Bedri Grecën.
[gallery columns="1" size="full" ids="153917"]