Mesfushori Eduard Rroca po kalon një supersezon te Luftëtari, kjo ka bërë që lojtari të piketohet nga skuadra verilindore dhe për të arritur marrëveshjen, drejtuesit e klubit të Kukësit janë të gatshëm të pagujnë 30 mijë euro, aq sa është dhe vlera e kartoni të futbollistit në fjalë.
Konkretizimi i marrëveshjes do të jetë i vështirë për faktin se në garë për shërbimet e fantazistit janë dhe ekipe të huaja nga Greqia apo Kroacia. Por edhe Luftëtari duket se nuk ka dëshirë të lëshojë një prej "yjeve" të ekipit duke parë se po ecën mirë në kampionat, një lëvizje e tillë në merkaton e janarit do të krijonte boshlliqe që zor se do plotësosheshin për pjesën e mbetur të kampionatit.
Gjithçka pritet të mësohet ditët në vijim, pasi Luftëtari kërkon diçka më shumë për kartonin e futbollistit, nëse Kukësi arrin të plotësojë kushtet e vendosura, verilindorëve mund t'iu shtohet një fantazist në janar.
[gallery columns="1" size="full" ids="186290"]
Lexo gjithashtu
