Shqipëria do të udhëtojë ditën e sotme për në Pragë, pasi ditën e nesërme do të duelojë me Çekinë në “Fortuna Arena” duke nisur që nga ora 20:45. Një sfidë e vlefshme për kualifikueset e Euro 2024.
Kuqezinjtë do të tentojnë të largohen me pikë nga kjo përballje, me Sylvinhon që kërkon të marri maksimumin nga djemtë e tij. Çekët udhëheqin grupin me 7 pikë, ndërsa kombëtarja jonë ka 1 pikë më pak dhe dueli mes tyre do të vendosë edhe për “kokën” e grupit.
Por gjithsesi bastet favorizojnë Çekinë për fitore ndaj kombëtares shqiptare. Triumfi i çekëve kuotohet me 1.60, ndërsa i kuqezinjve me 7.50 dhe barazimi vlerësohet me 4.05. Kompanitë e basteve nxjerrin dukshëm favoritë vendasit, por gjithçka do t’i mbetet fushës së lojës dhe ne shpresojmë që Sylvinho me djemtë kuqezi të kthehet në Tiranë me një rezultat pozitiv.
Lexo gjithashtu
