Bruno Telushi sapo i ka dhënë fund bashkëpunimit me skuadrën e Partizanit. Një lajm i papritur dhe vendim i paparashikueshëm nga drejtuesit e “Demave” për kapitenin e sezonit të shkuar.
Megjithatë menjëherë pasi i dha lamtumirën Partizanit, për Telushin një ofertë “trokiti” në derë. Elbasani është ekipi që u tregua i gatshëm për të transferuar mesfushorin në ekipin e tyre. Momentalisht nuk ka akord mes lojtarit dhe klubit por bisedime ka pasur.
Në këto negociata dhe bisedime ka pasur një ngërç që vjen nga ana e lojtarit. Problem është paga që ish-mesfushori i Partizanit kërkon, teksa në krahun tjetër Elbasani nuk kërkon të shpenzojë shuma të mëdha duke parë emrat e mëdhenj që ka afruar deri më tani.
Poll
Lexo gjithashtu
