I kishte munguar ekranit, por jo futbollit. Ishte gjithmonë nëpër stadiume për të ndjekur skuadra të ndryshme të kampionatit shqiptar. Pejana Elezi, gazetarja e njohur sportive rikthehet sërish në ekran. Këtë herë me një “gradë” më shumë pasi ka sjellë në jetë Gredin e vogël.
E megjithatë, përpos angazhimeve familjare, ajo ka vendosur t’i përkushtohet sërish pasionit të saj. Newsport.al mëson se Pejana do jetë në ekranin e RTSH Sport duke prezantuar bashkë me Sabina Meten, emisionin “Sot në Botëror”.
Çdo mëngjes, të dyja bukuroshet do të analizojnë me të ftuarit e tyre, jo vetëm nga bota e futbollit, zhvillimet, ndeshjet, golat më të bukur të mbrëmjeve Botërorit “Qatar 2022”. Transmetimi do të nisë me datën 21 nëntor, çdo ditë prej orës 10-10:45. Një emision i dedikuar totalisht këtij eventi madhor siç është Botërori, ku në krye të detyrës do të jenë dy gazetaret, Sabina dhe tashmë Pejana e rikthyer pas 4 viteve.
Lexo gjithashtu
