Ruben Amorim
Manchester United nuk ka vonuar shumë për të gjetur trajnerin e ri pas largimit të Erik ten Hag. Në stolin e “Djajve” do të ulet Ruben Amorim, i cili aktualisht është në krye të Sportingut të Lisboës.
Palët kanë arritur marrëveshjen mes tyre dhe anglezët do të paguajnë klauzolën e largimit prej 10 milionë eurosh te Sportingu .Zyrtarizimi i tij në krye të United është çështje ditësh, teksa trajneri aktual i “Djajve” Ruud van Nistelrooy ka zbuluar se mur Amorim do të marrë zyrtarisht detyrën.
Portugezi do të marr drejtimin e United më 10 nëntor, kur nisin edhe pushimet për shkak të sfidave të kombëtareve. Kështu deri në atë datë, anglezët do të drejtohen nga Ruud van Nistelrooy në sfidat kundër Chelsea, PAOK dhe Leicester.
Poll
