Manchester United po përjeton një tjetër sezon të komplikuar. I 6-ti në renditje, shumë larg nga zona Champions League, skuadra e drejtuar nga Erik ten Hag nuk është gjithashtu bindës edhe nga pikëpamja e lojës. Verën e ardhshme mund të përballemi me një revolucion në organikë, sidomos me ardhjen e Jim Rattcliffe si aksionar i ri.
Sipas TalkSport, shumë lojtarë mund të largohen, madje disa nga titullarët kryesorë. Raphael Varane dhe Casemiro këtë vit janë larg niveleve të viteve të tyre më të mira dhe pikërisht për këtë arsye drejtuesit e Djajve të Kuq janë gati t'i nxjerrin ata gjatë seancës së ardhshme të merkatos.
Mbrojtësi francez ka kontratë deri në vitin 2025, ndërsa mesfushori brazilian është i lidhur me United deri në vitin 2026. Por, të dy ish-ët e Real Madrid pritet ta mbyllin herët aventurën në Old Trafford.
Lexo gjithashtu
