Manchester City nuk ka humbur kohë për të gjetur pasuesin e Pep Guardiolës, i cili ka vendosur të largohet në fund të këtij sezoni.
“Qytetarët” kanë gjetur akordin me Enzo Marescën, teknikun italian i cili pritet ta zëvendësojë spanjollin në këtë detyrë. Eksperti i lëvizjeve në merkato, Fabrizio Romano shkruan në profilin e tij se Maresca do të nënshkruajë një kontratë të vlefshme për 3 sezone, duke sjellë dhe dakordësimin në parim.
Një rikthim ky për 46-vjeçarin i cili ka qenë pjesë e këtij klubi në sezonin 2022-223, kur asokohe ishte asistent i trajnerit Guardiola dhe bazuar në këtë "të dhënë", kuptohet qartë pse drejtuesit nuk e patën të vështirë të gjenin "gjuhën e përbashkët" me italianin.
Kujtojmë se "djemtë" e Pep Guardiolës do të zbresin në fushën e lojës mbrëmjen e sotme ndaj Bournemouth në transfertë, e cila do të nisë në orën 20:30, në stadiumin "Vitality".
???????? BREAKING: Enzo Maresca has a total verbal agreement with Manchester City, HERE WE GO!
— Fabrizio Romano (@FabrizioRomano) May 19, 2026
The Italian manager has always been considered the ideal candidate to replace Pep Guardiola.
Deal in place and Maresca will sign an initial three year deal at #MCFC. ????????
New era, soon. pic.twitter.com/njb3sXRl7w



