Trajneri i Romës, Daniele De Rossi ka folur në prag të sfidës së kthimit përballë Milanit në çerekfinalen e Europa League. Tekniku italian shprehet se Milanit i duhet përmbysja dhe se ekipi i tij duhet të tregohet vigjilent.
De Rossi shkon se në “San Siro”, në ndeshjen e parë duhet të shënonin më shumë duke parë numrin e rasteve dhe lojën, por ndeshjen e kthimit e vlerësojnë maksimalisht.
“Situata e Piolit? Kur flasim për situatën, flasim për perceptimin e asaj që lexojmë në gazeta. Nuk komentoj, jo për të mos treguar respekt, por sepse ndonjëherë gjërat nuk janë të vërteta. Milani është i dyti dhe ka fituar gjithçka. Skuadra e tyre luan mirë dhe nga kjo pikëpamje nuk ka asnjë problem.
Europa League është një objektiv per një ekip që dëshiron të jetë protagonist në Champions. Ata e dinë se duhet të fitojnë, sepse përndryshe do të dalin jashtë. Është zgjedhja e fundit për ta dhe do të duhet të përmbysin rezultatin.
Në Milano nuk është se fituam 7-0 dhe ata nuk u larguan kurrë nga zona e tyre, por ndoshta meritonim të shënonim disa gola të tjerë. Nuk mendoj se Pioli do ta ndryshojë gjithë ekipin, por deri diku po”, është shprehur De Rossi para duelit të kthimit me Milanin.
Kujtojmë që sfida Roma-Milan e vlefshme për çerekfinalen e Europa League, do të zhvillohet mbrëmjen e kësaj të enjte. Ndeshja e kthimit do të luhet në “Stadio Olimpico”, duke nisur nga ora 21:00.
Lexo gjithashtu
