Arbitrimi shqiptar ka marrë vlerësimin e radhës në arenën europiane. Juxhin Xhaja do të vendosë drejtësi në ndeshjen Hoffenheim – FCSB. Takimi do të luhet të enjten në Gjermani, në stadiumin “Rhein-Neckar-Arena” dhe ndeshja do të startojë në orën 18:45.
Gjithashtu, asistentët dhe arbitri i katërt do të jenë shqiptarë. Arbër Zalla dhe Rejdi Avdo janë dy ndihmësit e Xhajës, ndërsa Albert Doda është arbitër i katërt.
Në VAR do të jetë anglezi Peter Bankes, ndërsa në AVAR, spanjolli Carlos del Cerro Grande.
Kjo është ndeshja e tretë për këtë sezon në UEFA Europa League që katërshja e arbitrave shqiptarë (Juxhin Xhaja, Arbër Zalla, Rejdi Avdo dhe Albert Doda) gjykon në fazën e grupeve.
Më parë, ata kanë drejtuar edhe në ndeshjet AZ Alkmaar – Elfsborg dhe Elfsborg – Sporting Braga.
Lexo gjithashtu
